Nadal Shanghai Masters semifinal-i iogo

Shanghai, October 16 (Agencies): Tesüiba World No. 1, Rafael Nadal-i Switerzerland nunger Stan Wawrinka madak takok ngua Shanghai Masters tebur singles shilem indang semifinal asayatsü jenjang tanü Hokolbar nü nguogo.
Spain nunger Nadal-i tanü points 6-2 6-1 ngua Wawrinka quarterfinal asaya nung tsükdaktsüba sülen France nunger Jo-Wilfried Tsonga den semifinal nung ajuruteptsü jenjang angu.
World No. 1, Novak Djokovic-ia tanü points 7-6(6) 6-1 ngua Australia nunger Bernard Tomic quarterfinal nung tsükdakja liasü.
Serbia nunger Djokovic-i Britain nunger Andy Murray den semifinal nung ajuruteptsü.