RBI-i northeast nung parnok kongsang ana lapoktsüogo

New Delhi, Oct.18 (Agencies): Central bank, Reserve Bank of India (RBI)-i northeast state, Manipur aser Mizoram na nung parnok kongsang ana lapoksemogo, ta Honibar nü sangdong ka ajanga metetdaktsü.
Manipur Chief Minister O. Ibobi Singh aser RBI deputy governor Harun R. Khan nati Imphal nung Honibar nü RBI kongsang lapoktsüogo, ta sangdong ajanga ashi.
Kasa sangdong ajangasa ashiba agi, Imphal nung lapokba RBI office nung senotsü services, development department, nüburtem nem tesayuba agutsüba aser ‘protection cell’ den shishilemba tsütsü intelligence unit alitsü aser item ajakji state sorkar aser NABARD den angatettepa inyaktsü.
Brihostibar nü RBI Governor Raghuram G. Rajan aser Mizoram Chief Minister Lal Thanhawla nati Aizawl nung RBI kongsang ka lapoktsü aser iba kongsang nunga Manipur nung aliba department ajak lir.
“Tan Manipur nung lapokba office ya dena northeast nung RBI office pongu kümogo,” ta sangdong ajanga ashi.