Züba-zü-lema inyakba ajanga timtem ajuru

Alokba : Obou ni ne tang o ka asüngdangdi… akhidang ner putu nung tambur ka ayong nung tzü-chiko tang langdem shidoker lungpak-ma nung putaka ayuba waro-i mechir ao-a ta otsü ka jembia angashi… aji shidak na ???
Oboula : Haa..haa.. semchir aji tangar otsü masü oboula dak atalokba otsü ako… küm-50 shi ka süiogo , kenü oboula kija alui ao, aser tatsük talem mapang ka asüji kangasa lemyiba agi ayong nung tzü chikoi ai, aser iba putu mapang nungjibo oboula nunger süjak/langdem tang agiba mapang asüji langdem-ji sepzüka atsük tasüng pok-a aliba aji len-a kazür jungjunga shidoker lungpak manung pudaka toktsür tzü-chiko-li, aoksaa waro ka yimzüka alur oboula meyong langdemji mechir yima-oadok… aser oboulai terok-a sepa ayimdena kangasa meranga arishidanger memenepji joko koda masü, anü lia sangwaa mangsa kidangi tugutsü masüji tangar ajak alu nungi tugusepdaktsür manger-ang tugua ki atong, aser otsüla tang ki lapokang ta tanemi ola tila agi ashinung ano otsüla narongjakla jagia milen tsükloker ki-ji lapoka aluji oda otsüla jagi ni-ji mojing ka amai bilem asü masü-ar tesüngmang taoksa nung süchia aoba agi otsüla ayimdena ajadangji ano kidanger ajunga adenshi aser kidangertemji-a oboula mangsaji ngur ajunga tenük nembanger jenshi… haaa..haaa.. hooo…. hooo…. Aji na züba-zü-lema inyakba ajanga yamaji timtem ajuru adii… kechi mapa inyakdir inyak-aka tim-matemtsüsa tiptema nentaka inyaktsüla-a noo…

Lilir : L.Kika Pongener, Aoyimküm, Dimapur