Delhi nung Northeast tsür ana sama

New Delhi, October 19 (Agencies) : Delhi nung Northeast tsür ana tesüiba anogo pezü tashi mangu bushiteper, ta police-i metetdaktsü.
Delhi nung Northeast tsür samabaji ita ka tsüngda tan agi tanabenbuba ataloker. October 3 nüa Nagaland nungi arishi küm 26 tain tetsür ka samar. La ya tetong bendanger ka den külemi telidak liasü ta Delhi police-isa ashi.
Delhi police-i bushisüngdang tenzükogo saka item tetsürtemji kong lir monguteter.
Tang samaba tetsür ana rongnung ka Nagaland nungi arishi küm 19 tain Awale aser ka Manipur nungi arishi küm 23 tain Chlovi lir, ta police-isa ashi.
“Tetsür anaprongji yangi mapa inyaka liasü. Bushisüngdang matem tashi iba tatalokba atema tanga onük kecha mejembii atadi” ta Station House Officer-i osangbener dang ashi.
Iba dak sendakba nung South Delhi kübok Greater Kailash police station nung FIR ka benokogo aser külen tetsür ana tsüraburtemi Delhi Police North East Representatives (DPNER) züngsemtem dang parnok jala bushtsü atema mepishia metetdaktsüogo, ta paisa ashi.