A Quiet Place nung Cillian Murphy-i shilem agitsü

Metsüremi/March 30 (Agencies): ‘A Quiet Place’ sequel nung Emily Blunt den külemi shilem agidaktsütsü atema actor Cillian Murphy anioktsü jembidar, ta oasng ajanga metetdaktsü.
Emily kinungbo writer aser director John Krasinski indang A Quiet Place den tatongtep yanglutsü aliba film nung arishi küm 42 tain Murphy-i yimya aser jakla balaka aketba nisung shilem agiba angutsü, ta Hollywood Reporter ajanga metetdaktsü.
‘A Quiet Place’ den tatongtep film ka yanglutsü aser iba film nunga ni kü kinungtsü Emily den külemi shilem agitsü ternemba lir, ta tawa John-i osang jangjatsüogo.
John, shibai original movie nung shilem agia aser kasa mapang film atema otsü zülua direct süa liasü, pai “#PartII film yanglu tenzüktsü mapang tongogo” ta Instagram ajanga noksa ka den külemi iba olen lemsatep.
Taruba film atema Millicent Simmonds aser Noah Jupe naprogla nem pei tata shilem lemzüktsüogo.
Iba film sequel ya taruba küm May 15, 2020 nü sayatsü ternemba lir.
Temalen, arishi küm 39 tain John-i ashiba agi, film sequel yanglutsü atema kodanga bilema meliasü saka pa mulungjang nung tejembiba ka aliba ajanga sequel yanglutsü tasa angu.