A.R. Rahman ano Oscar atema shima lir

New Delhi, December 14 (Agencies): ‘Pele: Birth of a Legend’ film nung India nunger kentener mongin, A.R. Rahman indang music Academy Awards atema shima lir.
2009 küm Rahman indang ‘Slumdog Millionaire’ film music ajanga ‘Best Original Music Score’ award aser ‘Jai Ho’ ken ajanga ‘Best Original Song’ award ngua liasü.
Tang 89buba Academy Awards nung Original Score category atema-a pa shima lir.
Iba den külemi 2016 biographical film, ‘Pele: Birth of a Legend’ nungi ‘Ginga’ ken-a Oscar atema shima lir. Original Song category final nominations atema ken ajak agi 91 shima lir.
Category anaprong atema tarensenji Mongolbarnü Academy of Motion Picture Arts & Sciences-i parnok indang official website ajanga sangdonga liasü.
89buba Academy Awards atema final nominations ji January 24 nü sangdongtsü aser award sentongji February 26 nü Dolby Theatre, Hollywood & Highland Center, Hollywood nung akatsü.
Rahman-i 2009 küm Academy Awards ana agizükba ajanga India nunger kanga nüma tangtetdakja liasü.
2014 küm nunga Hollywood movies- ‘Million Dollar Arm’ aser ‘The Hundred-Foot Journey’ iba den India nunger film ‘Kochadaiiyaan’ nung Rahman indang ken kar award atema shima liasü.
2011 küm nunga 83buba Annual Academy Awards atema pa nomination ana liasü, ajisüaka award kata mangu.
Jeff Zimbalist aser Michael Zimbalist nati direct asüba, ‘Pele: Birth of a Legend’ film ya Brazil nunger football asayar mongin, Pele taküm otsü nung ajemdaker yangluba film ka lir.