A S E N T EN S H I

– Süpongnungsang Longkümer,
Darogapathar Dimapur

Asentenshi tetezü yanglushipa, asensa tenzükshipa. Alima nung Tsüngremi long aser süng agi tekülemdak ki yanglutsütsü tasazük aser süngpu palala, sentsü palala,aser podir menden aser ipa madang ayutsü ajak, Mosa, aser tenla ki yanglutsü shisakartem Anitet 36:1-38 nung tejangja angutsü. Ipai kodak tekülemdak aser tepo menden tateshitsü nung yangludaktsüpa ama angateter. Meimchiri yanglupa nüngshi ki tulu alima nung aika kar, aji tang masü aseni yanglupa ki nung aseni kechi inyaknür ajak inyakteta taküm mesüa alir koda jangratemtsü, saka ipa ki nung tasheyim agi alir aika bei i asüpa ki nung jangratema melishe alima toktsür omadakge. Tsüngremi asüpa ki zünger mezüngma alima nung lir.Ipa ki nung lia pai mapa aika inyaknür aser sayunür, saka kiji mesatem aeiner tamajung arua anenzüker. Anungji pai kiji toktsür aor aser kijia kube milie laour; Ipa she temang nung alitsü atema taküm shia nung tangula apouktsü. Saka ki jagi kisüsangji magizüker, anungji pai mapa tulu asateta (Shisateta) pa alitsü atema asentenshitsü kar mulungjang nung inoktsür, arogo nung asentenshi teti akiasa aru, saka tanülai semtangpa kangapo majuru,saka 1976 nungi palaka asentenshi milak jangrua ao lima,aser Naga lima tang masü saka temesüng nisungtema aika arua ipa milak nung tena aru. Tanüa kasaji asentenshidakge, Aria pilempa nungi asentenshira Tsüngrem tanülai semtangtsü aji mesüra tamakok.
Arogo nung asentenshi kanga nüngdaker, saka kodak nung asentenshi süngjangji nüngdaker “Ajemalu,taremzük,temeim aser ochi” Arogo nung temishi tanüla sempet kanga nüngdaker, samapa tanüla, atsüngzüka aopa, tashe mait, menenra agi shirangertem anepja kümzüktsü asoshi nüngdaker, saka kodak nung kümzükpa süngjangji taküm kaket nung tenüng nüngdaker. Asentenshi süngjang atangtsü metsü proker nüngdaker, saka kodak nung sentsü wangshi sempet korang nüngdaker.
Asentenshi süngjang rongnung tulutipa kaji tangatetpa tenla, tenlatenji rongnung tulutipaji tershilem ipai Tsüngrem meyong. Asen taküm mesütsü ali rongsen aser süngjanglijang nungi tamang tentangpa Tsüngremer alimelen. Ipa nung aipelenertem Kain, Anania aser safira ama tempangtsü. Item ajak asentenshi süngjang lir.
Asentenshi süngjang tepela, tesünep, temeim, temenen sembapa, kong kechi kodang südir süaka ken tena sarasatemtsü nüma tang tanga agizüktetpaji asentenshi süngjang. Kechiyong temeshi tanülai yamaji inyaker. Asentenshi süngjangji menenra agi alener temulung melapoktet tetsüpu agi sünger alipa Tsüngrem dang bei menen ajak shitettsüsa angatetdaktsüpa aser mulungtetdaktsüpaji “Tesüngmangtsü” Tetsüpu agi akümtsüputsü melentsüpaji asentenshi SÜNGJANG Tsüngremi aji aginür. J Atokpa 3:18-Na takar akümtsü asoshi mi nung mulua temerük yanglupa hon aser mangsa alipa maksü jungkai matoktsütsü asoshi nai nü sasa süputsü asoshi süoshi temesüng, aser tangutsü asoshi, nü tenük nung mezütsü mozü, ya ajak kütang nungi aliang, ni nü nem ipa shisatsü agütsür Laodikia arogo tang ashipa ama asen tanga pai temeim agi ashir. Tazünger ajak Tsüngremi moajangma.