AAC nung India team-i gold medal 16 angu

New Delhi, Rongchii/April 1 (Agencies): Taoyuan, Taipei, Asian Airgun Championships nung India nunger shooter temi tatembangbuba anogo nunga gold medal 5 kokteta kanga junga asayaogo, aser parnoki medal ajak senteper medal 25 nguteta liasü.
India team-i gold 16, silver 5 aser bronze 4 ngua liasü.
Asayamung tatembangbuba anogo nung Yash Vardhan aser Shreya Agrawal nati gold medal asemsem nguteta liasü.
Air Rifle men’s junior event nung Yash-i gold medal angu. Paisa Team competition nung Keval Prajpati aser Aishwary Tomar naden külemi gold medal ngua liasü.
Yash-i point 249.5 nguteta gold medal angu aser Keval o Aishwary nati point 247.3 aser 226.1 nguteta silver aser bronze medal koktetogo.
Iba asaya masüdang Vardhan aser Shreya nati Rifle junior event tarep temeyoktep asaya kokogo.
Shreya-i 10m Air Rifle women’s junior event nung gold medal angu aser laisa Mehuli Ghosh aser Kavi Chakkaravarthy naden Team asaya koka gold medal nguogo.
10m Air Rifle women’s junior event nung Shreya-i 24 ben akhaba nungi point 252.5 nguteta gold angu aser Mehuli-i point 228.3 nguteta bronze angu. Kavi pezübuba jenjang nung tembang.
India nunger shooter tem Al Ain, UAE nung taruba asayamung nung shilem agitsü renema lir, koba April 5 nü nungi tenzüktsü.