Aadhaar No agütsütsü atema March 31 tashi atsülangtsür

New Delhi, February 17 (Agencies): Pensioner lakh 50 dak temai parnok pension account aser Aadhaar sendakteptsü atema retirement fund tentet, EPFO-i March 31 nü tashi mapang atsülangtsüogo.
Taküm January ita nung Employees’ Provident Fund Organisation (EPFO)-i Jeevan Pramaan Patra programme ajanga pensioner temi digital certificates agütsütsü atema February 28 nü tashi mapang agüja liasü. Iba ya pensioner tem mapa temelaba akümtsü nükjidong nung inyaker.
Ketdangser kati, pensioner temi life certificates agüja parnok indang account number ji Aadhaar number den sendakteptsü atema maneni March 31, 2017 nü tashi mapang atsülangtsüogo, ta metetdaktsü.
Yaküm November ita nung EPFO-i iba atema tatembangbuba anogoji January 15, 2017 tashi latetja liasü. Ano taküm January ita nunga mapang atsülangtsü.
Employees’ Pension Scheme teyari atema pensioners aser subscribers napronglai Aadhaar agütsütsü atema EPFO-i lemteta liasü.
Iba maparen atema EPFO-i IT Department indang common services centres (CSC) lakh ana ajanga inyaker.
EPFO pensioner temi November ita tashi nungbo life certificates agütsütsüla, aser iba mapang tashi nungji magütsüra parnok indang pension sa anenja aruogo.
EPFO-i life certificates ji mobile phone nung Jeevan Pramaan software application ajanga agizüker. Iba dak alia pensioner temi CSCs lakh ana dak temaa amshir.