Aadhaar-PAN sendakteptsü atema anogo atsülangtsür

New Delhi, December 13 (Agencies): Bank accounts aser senotsü transactions atema Aadhaar aser PAN sendakteptsü asoshi tanü sorkari ita asem, March 31, 2018 tashi anogo atsülangtsüogo.
Sorkarisa züngya 12 aketba biometric identifier Aadhaar ji bank account lapoka alirtem aser tasenpur ajak atema nüngdaktsü, iba den külemi sen 50,000 aser iba dak tema senotsü transaction atema nüngdaktsü, ta ashi.
Iba jakdang Aadhaar aser PAN sendakteptsü asoshi tatembangbuba anogoji December 31, 2017 asütsü, ta sangdonga liasü.
Tanü New Delhi nung ketdangsertem sangdong ka ajanga, “Account tenzükba mapang nungi mesüra Aadhar number agütsüba anogo nungi, aser Permanent Account Number mesüra Form 60 agütsüba anogo nungi, koba tama südir 31 March, 2018 tashi asütsü mesüra ita trok asütsü lemtetogo,” ta metetdaktsü.
Bank tem dang nungi osang agiba aser ketdangser balala den jembitepba sülen Aadhaar-PAN sendakteptsü atema anogo atsülangtsü asoshi telemtetba agi, ta kasa sangdong nungsa shia lir.
Taoba hopta Centre-i Supreme Court dang, Aadhar sendakteptsü mesüra service aser welfare scehemes balala atema sangküm March 31 tashi anogo atsülangtsü melunga lir, ta metetdakja liasü.