Aafreen Rachel-i Miss Supranational 2015 Asia & Oceania takok angu

Krynica-Zdrój (Poland), December 5 (Agencies): India tsür Aafreen Rachel Vaz-i Miss Supranational 2015 tetoktepba nung Miss Supranational 2015 Asia & Oceania title nguogo.
Aafreen-i Femina Miss India Supranational 2015 takok ngua liasü aser lai taoba Hokolbarnü Miss Supranational 2015 Asia & Oceania takok angu.
Iba tetoktepba ya Krynica-Zdrój nung MOSIR (Hall of Sports) ajanga ayongzük aser Aafreen-i $1000 senpet agizük. Yaküm tetoktepba nung Asha Bhat-i iba takok ngua liasü.
“Kanga dang akhümket tetoktepba nung ni India tenüng nung shilem agitsü maongka anguba atema kanga pelar. Linük atema Miss Supranational 2015 Asia & Oceania takok anguba atema kanga pelar. Ni ozü tsürabur, medemer aser ni nungiter ajak dang palaba metetdaktsür,” ta Aafreen-i sangdong ka nung metetdaktsü.
Küm tentetbuba Miss Supranational 2015 tetoktepba nung tetokteper 78 madak lai Miss Supranational 2015 Asia & Oceania korang angu.
Iba tetoktepba nung Stephanie Vasquez Stegman (Miss Paraguay)-i Miss Supranational 2015 takok korang angu. Miss Supranational 2014, Asha Bhat-i Stephanie nem takok korang semoktsü.
Tetoktepba nung Miss Canada-i tanabuba jenjang, Miss Columbia-i tasembuba jenjang, Miss Iceland-i pezübuba aser Miss Mexico-i pungoba jenjang takoktem angu.
Continent shilem nung takok angurtemji, Miss Panama-i North & South America title, Miss Africa-i Miss Rwanda, Miss India Supranational 2015-i Miss Asia & Oceania title aser Miss Slovak Republic-i Miss Europe takoktem angu.