Aaka Teli

Nai aakba agi shingai mangudak atsüka alitsü bilemdanger asü? T.Ken 25: 1-3 ji züngang, “O Kibuba, ni ne dangi kü nela aka asor. O kü Tsüngrem ne dak ni amanger, ni maak tesüdaktsü: kü tsükchirtemi kü madak takok tengudaktsü. Au, na asoshi atartem shinga maak tesüdaktsü: kecha maakai shirnoki külaka benshir parnok maak südakjang.” Dawidi Kibuba tenüng mak südaktsütsü tsübua liasü. Kodang asenoki aaka malitsü bilema lidir, asenoki Kibuba dang ochi shia alitsü bilemer. Asenoki paizüka alitsü memeranger, mesüra tenüng tetshia meliner. Asenoki shidangtsüba rongnung mezüngbuba kaji, asenoki Tsüngrem sentsüwangshidaktsütsü bilemtsüla. Dawidi tekong 1-3 nung iba indang jembi, “Tsüngrem ne sentsüwangshi rakzüktsüsa shinga kecha meinyakdaktsüner,” ta pai ashi. Asenoki Tsüngrem sentsümewangshidaktsütsüsa  kecha meinyaktsüla. Mapa kar mesüra meta karibo asenok meyirudaktsütsü akok, saka item jagi Tsüngrem sentsüwangshibo yirutsütsü akok. Tamang tain mekümi alir tamangertem yirutsütsü akok. Tain dang alidak mesüra kidang kinüngbo aser kinuüngtsü dang alidak kotari techira mesüra teraksatsü oset ana nung ayutsü akok, saka tilatanur alidak item osettemji ana nung mayutsüla.
Tanabuba tebilemdangtsüji Tsüngremi mulungbaji lir. “O Kibuba, ne lenmang kü nem metedakjang; ne lenmang kü dang sayuang, ne ochi nung ni aniang, aser kü dang sayuang; kechiaser na kü tekümtet Tsüngremi anogo tepiyong ni na asoshi atar”(t.4,5). Tsüngrem sentsüwangshidaktsütsü aser Pai mulungba tashi angatsü, asenoki Pa taochi dak metaloktsüla. “Kibuba, ne taochi aser yimlibilem bilemtettang; kechiaser parnok akhidang nungi liasü”(t.6). Kodang ne taküm nung item yimya asem lidir, na kodanga aaka malitsü mesüra Kibuba tenüng mesensatsütsü.