Aam Admi Party Nagaland-i sangdonger

Dimapur, Aenjeti 25 (TYO): Naga nunger lokti balala indang coordination committee ajanga ajak asoshi telemtetba agiba nung onoki busemer, ta Aam Admi Party (AAP), Nagaland nung Convenor, Dr. S. Amos Lkr-i osang ka ajanga metetdaktsü.
Iba ken o ya kanga metsünga reta, Aam Admi Party Delhi nung aliba central ketdangsertem teyari dena agizüktsü, ta pai-sa shisem.
Naga yimden tebilemtsü ya tekeratiba nung tembangtsü mapang tongja tongogo aser iba ajanga dang Naga nungertemi ochimashi maliba nükla tasen ngutettsü aser alima ainba den meneptepa aintsü, ta Dr. S. Amos Lkr-i kasa sangdong nung shia lir.
Naga yimden aser lokti tajungba küma yanglutsü atema nüburtemi shisatsü tajung amshitsü asoshi Aam Admi Party-i imla atar, ta kasa sangdong ajanga ashi.