Aamir-i Maharashtra sorkar aser Mumbai police tenüng asanger

Mumbai, February 15, 2016 : Deobar aonung Girgaum Chowpatty tesem nung ‘Make in India Week’ sentong nung sobaliba shilem ka agiba mapang mi tulu adoka sabang rongtok.

Iba sentong nung Bolloywood film actor Aamir Khan-a dena liasü aser pai iba tatalokba twitter ajanga lemsatep.

Maharashtra Chief Minister Devendra Fadnavis, Mumbai Police aser Fire Department temi shinga meyirudaktsüi iba mi tulu tepsepba atema tenüngsang agütsür. Parnoki sentong nung adener ajak kanga junga acha ayanga iba lendong tesem nungi aniena liasü, ta Aamir-i ashi.

Chowpatty tesem nung kanga dang tia makai iba mi lendong atalok ajisüaka Mumbai Police, Fire Dept & Maharashtra Srokar-i iba mi kanga junga azüoktetogo, ta pai twitter ajanga lemsatep.

Paisa, “Maharastra Chief Minister-a iba mi meremsep tashi tesem metoktsü liasü,” ta twitter ajanga metetdaktsü.

You must be logged in to post a comment Login