Aamir Khan aser SRK na den jangratema inyakogo:Juhi Chawla

Mumbai, April 28, 2016  : 2015 küm “Chalk n Duster” film nung tesüsa shilem agia alila Bollywood actress Juhi Chawla-i, “Ni film nung shilem agia aruba mapang superstar Aamir Khan aser Shah Rukh Khan nunger den jangra tatemba shilem agia liasü,” ta twitter nung la sapurtem atema tasüngdangba aser telangzüba sentong ka nung ashi.
Juhi ya Hindi cinema nung küm 30 tashi shilem agia aruogo aser iba mapang lai Shah Rukh den “Darr”, “Duplicate”, “Ram Jaane”, “Phir Bhi Dil Hai Hindustani” aser “Yes Boss” film tem nung shilem agia lir.
Iba den külemi lai ano Aamir dena “Qayamat Se Qayamat Tak”, “Love Love Love”, “Tum Mere Ho”, “Hum Hain Rahi Pyaar Ke” aser “Ishq” film tem nung shilem kanga junga agia lir.
Superstar Salman Khan den shilem agitsüsa adok nunga komala film ka asütsü ta asüngdangdang lai, “Ajibo comedy film ang ka asütsü,” ta langzü.