Aamir Khan-i Bigg Boss nung Dangal majungkettsü

Mumbai, November 29 (Agencies) : Salman Khan indang Bigg Boss sentong nung ‘Dangal’ film majungkettsü, ta Aamir Khan-i metetdaktsü.
“Kü medemer Salman’er sentong nung ni Dangal film ajungkettsü atema shilem magitsü” ta Aamir-i ashi.
Salman’er Bigg Boss sentong nung Dangal film ajungkettsü atema sentong ali asü mali ta osangbenertemi asüngdangdang, “Onoki trailer aser promo ka sayutsü. Salman-i kü indang film ajungkettsü jangrar. Nia pa indang film ajungkettsü asoshi mapa inyaker. Ni pa dang Dangal film sayunür” ta Aamir-i langzü.
Taoba mapang Salman-i Sultan nung melangteper ka ama shilem agi aser tang Dangal nung Aamir-i melangteper Mahavir Singh Phogat ama shilem agir.
Dabangg nung shilem agisang Salman den melangtepba atema lemsatepba asü masü ta asüngdangdang, Aamir-i “küna ibaji melemsatep. Onok coach Kripa Shankar Singh-i onok sayu aser iba film nung pai tongti shilem agi” ta langzü.
Dangal film ya December 23, 2016 nü sayatsü.

You must be logged in to post a comment Login