Aamir Khan yipten nung anisüngzüktsü tuyu

November 16, 2015: Bollywood actor, Aamir Khan “Dangal” film tangokba mapang tapubanglen atsüpetba ajanga doctor temi anogo ti (8) nü tashi yipten nung anisüngzüktsü tuyu.

Aamir ya November 14 aonung “Dangal” film asoshi melangtepba jilushi ka tangokba mapang tapu yiru. Pa kidang anisüngzüktsü asoshi director Nitesh Tiwari-i direct asüba film tangokba tesem nungi tang Mumbai-i aruogo.

“Pa yiruba sülen Ludhiana nung ghonda 24 anisüngzüka liasü kechiba süra pa sadema marakzüteti aküm. Pa dang doctor temi anogo ti (8) nü yipten nung kanga junga anisüngzükang ta shiogo aser iba sülen ano kechi nüngdakdir aji inyaktsü,” ta Aamir otongdari ashi.

Sakshi Tanwar, Fatima Sana Shaikh aser Rajkumar Rao nunger dena shilem agiba film ya Aamir temang tajungba maküm tashi metangoki atatsü.