Aammir Khan-i kum 18 sülen ken atentsü

Mumbai, December 12 (Agencies): Nüngtugu Bollywood actor Aamir Khan-i 1998 küm yangluba “Ghulam” film nung pa kentenba sempet amshia “Aati kya khandala” tener küm 18 sülen ano “Dangal” film nung “Dhaakad” ken menüngokogo.
Aamir-i atenba ken indang video ji December 18, 2016 nü Lux Golden Rose Award sentong nung sayutsü aser iba sentong Zee TV nung yoktsü, ta osang ka ajanga ashi.
Iba sentong ya nüngtugu Bollywood actor Shah Rukh Khan aser film yanglur Karan Johar nati ketdang asütsü aser iba mapang actor Arjun Kapoor-i iba ken indang video sayatsü.
Arishi kum 51 tain Aamir-i rap ken atener mesüka sobutsü sobur tetsürtemnem tashi agütsüba indang jembia, Fatima Sana Shaikh aser Sanya Malhotra na metetpelaja adoktsü.
“Dhaakad” ya shitakbabo rapper raftaar-i atenba ken lir aser iba ken ya “Dangal” film nung “Haanikaarak bapu” ken sülen atener.
“Dangal” film ya Nitesh Tiwari director asü aser iba film December 23, 2016 nü sayatsü renema lir.