AAP-i Gujarat menden ajak nungi tokteptsü

Gandhinagar, June 19 (Agencies): Aam Aadmi Party (AAP)-i, 2017 küm Gujarat assembly election nung party-i menden 182 prongla nungi tokteptsü, ta sangdongogo.
AAP tongti lenir aser Delhi chief minister, Arvind Kejriwal-i July 9-10 nü Gujarat, Saurashtra nung aliba Somnath temple nung party election nüboyim sentong tenzüktsütsü.
“Ozü party-i menden 182 prongla nungi tokteptsü sentong lir. Iba dak sentakba nung osang tejangja yakta sangdongtsü,” ta AAP Gujarat otongdar, Harshik Nayak-i yasüng metetdaktsü.
Delhi Chief minister Kejriwal-i Hardik Patel leniba nung Patidar nüburtemi reservation atema longkak aitba pusemba dak sentakba nung tasüngdangba ka langzüdang Nayak-i, Kejriwal-i video conferencing ajanga Hardik chioktsü atema pusemba sangdongogo, ta ashi.
“Pai Gujarat semdangba mapang ano iba onük süoka jembitsü akok,” ta paisa ashi.
AAP-i taoba Gujarat assembly elections aser 2014 Lok Sabha election nunga toktepa liasü, ajisüaka par candidate ajaki tamakok angu.