AAP MLA Surender Singh bail nung chiokogo

New Delhi, August 23, 2015: New Delhi nung Aam Aadmi Party (AAP) MLA Surender Singh ‘Commando’ Patiala House Court nungi bail anguba sülen tepuokdak nungi chiokogo.
Singh den tangar nisung anati aibelenbaji, nisung apuba mesüra tepsetba ama aibelen ken o tulu masü ta shia Metropolitan Magistrate Gomti Manocha-i sen temenok 30,000 meshir bail nung chiokogo.
August 5, 2015 nü New Delhi Municipal Council (NDMC) nung inyaker ka dak azükba atema AAP MLA Surinder Singh anema ken o ka benoka liasü.
Police-i ashiba agi, Delhi Cantonment area nungi MLA Singh-i NDMC nung inyaker Mukesh dak tejak nung tsüngoktsüba sülen o tamajung ashi..
MLA Singh anema Scheduled Castes and Scheduled Tribes (Prevention of Atrocities) Act aser Indian Penal Code kübok section balala nung ken o benoka liasü.