AASU office amakba nung tongti shilem agisang, Subodh Biswas puogo

Kolkata, March 22, 2017: Silapathar AASU office amakba ken o nung Bodhbarnü Kolkata nung Assam Police-i Nikhil Bharat Bangali Udbastu Samanway Samitee (NIBBUSS) Tir, Subodh Biswas (abelen) aser pa den yarisemer, Subash Biswas na pua aliba noksa nung angur.

Guwahati, March 22 (Agencies): Silapathar nung AASU office amakba ken o nung tongti shilem agisang, Subodh Biswas anogo 16 tashi police dang nungi jenshia senzür Bodhbarnü anepongi Assam police telok kati puogo.
“ADGP Mukesh Agarwala-i anir Assam Police-i Biswas, Bajitpur yimdak tesayur ka tenüng agi Krishnapad Raha’er kidang lia puogo. Iba yimtsüng Indo-Bangladesh arrtsü nungi kilometer 3 pilar North 24 Parganas, West Bengal nung lir.
NIBBUSS tir, Subhash Biswas den külemi ano nisung ka puogo. Tena anema local okadak ken o benokba sülen maneni Kolkata High Court nunga ken o benoktsü.
Assam police West Bengal, New Delhi, Tripura, Andaman aser Mumbai nung AASU office amakba nung tongti shilem agisang ya police-i ladanga liasü.
Subodh Biswas-i anir Hindu Bengali refugee temi Silpathar nung March 6 nü AASU office raksaja liasü.

AASU office amakba nung tongti shilem agisang, Subodh Biswas puogo added by nungsang on March 22, 2017
View all posts by nungsang →