AAY Scheme atema sangdong

Dimapur, Monupii/May 21 (TYO): National Food Security Act 2013 kübok AAY Scheme dak sendakba nung tanü Assistant Director, Food & Civil Supplies Dimapur, N. Jamonger Ao-i Dimapur District nung Antyodya Anna Yojana (AAY) kübok ration card holders/beneficiaries ajak dang Ration card tejenba den card holder aser kibong züngsemtem indang Aadhaar osangtem agüja tim ketdangseri sign süa aliba acknowledgement slip agizüktsü metetdaktsüogo.
Urban FPS/Village council FPS dang acknowledgment slip sayu nungang beneficiaries nem jang agütsütsü, anungji ration card holders ajak dang Assistant Director, Food & Civil Supplies Dimapur office nungi acknowledgement slip meshitsü mepishi metetdaktsür, ta sangdong nungsa shia lir.