Aayanger tentet den lemtepa labour reforms yanglutsü: Modi

New Delhi, July 20 (Agencies): Hombar nü Ato kilonser Narendra Modi-i, aayanger tentetem den lemtepa labour reforms yanglutsü, ta ashi.

46 buba Indian Labour Conference nung jembidang Modi-i, “Aayanger tentettem den tangatettep nung aayangertem ozüng yanglutsü merangtsü,” ta ashi.

“Labour reforms asoshi aayanger tentettem den tejembitak lir. Lenmang angutsü ta ni melung alemer,” ta pai ashi.

“Aayangertem mepelara linük-a mepelatettsü,” ta paisa ashi.

Linük renlokba nung aayangertemi tongtibang shilem agir, anungji parnok mangdangji atangji nung ataloktsüla, ta Modi-i ashi.

National Career Service Portal lapoktsüsang Modi-isa, mapa tapu balala ajakji asenoki akhümtsübutsüla, ta ashi.

“Kanga sensaketertemia pei temeten angateta maongka agitettsü asoshi ozüng temelaba küma yanglutsü ni meranger,” ta Modi-i ashi.

Iba senden nungsa Union finance minister Arun Jaitley-ia, “Tesüiba ita 12 nung onoki aayangertem atema social security aser parnok taküm jenjang tajungba asoshi inyakogo,” ta ashi.

Labour reform dak sentakba nung Deobar nü Ato kilonseri trade union tem den senden ka menogo.

“Aayangertem onük nung trade union lenirtemi onük aika benoka jembibaji Ato kilonseri angaogo, aser item onük rongnung rongsenkettsüng inyakyim aser iba dak sentakba onüktem liasü,” ta sorkar sangdong ka ajanga ashi.

Iba senden tembangba sülen Ato kilonseri aayangertem asoshi tenangzükba kecha magütsü anungji September 2 nü ayongzüka aliba ama linük tesem ajunga nung aayangertemi onük 12 nung takhangba agüja lungkak aittsü.