ABAM 122 buba Küm Tatem Mungdang agi

Dimapur, Yimpoksüi (November) 24 (TYO): November 22 & 23, 2018 anogotem ABAM 122 buba Küm tatem Mungdang agi.
Mungdang nung Rev . Dr. Temjen Ozukum Pastor, Indisen Baptist Arogo Tir aser Rev. O. Lima Pastor Luyong Baptist Arogo Tatong Tir sür kanga takok ngua agiogo, ta ABAM sangdong ka nung metetdaktsü.
Rev. Dr. Temjen Ozukum mapang agi atong nung Tir menden nungi sodi agütsü aser ABAM 123 Buba enti Mungdang lenitsü asoshi Rev. O. Lima Tir aser Rev. Temsu S Pastor, Alempang Baptist Arogo Tatong Tir shimteta Rev. Dr. Mar Atsongchanger Executive Secretary, ABAM ajanga menden melentepba mapanga agia mapa nungloktsü.
Ministry tem teinyaktsü lemtetba dak alaka tongtipang telemtetba agiba kar yamai alitsü:
1. Nocte Baptist Asathem Roapkhoan (Nocte Field, (NBCA) nem Nocte field administration June 2019 nungi bendanga agütsütsü aser rongsen agi 2020 December tashi yaritsü.
2. ABAM Zemi Supportive Mission 2019 nungi ABAM mission ama adopt asütsü.
3. Ao limai Khrista osang tajung arur küm 150 (Sesquicentunnial) ajungba 2022 nung amongtsü terenemba 2019 nungi tenzüka aotsü.
4. ABAM Metro City Mission lenisüba agizüka ayu aser 2019 nungi mission survey agia inyaka aotsü.
5. 2019 küm ABAM omen “Khristan ayak asadangba” alitsü.
Amangbapurtem ajaki 2019 küm Ao Mungdang inyakba mapa ajak nung Tsüngremer temoatsü agitettsüsa Tsüngrem lenisüba asoshi sarasademtsü ayongzuker, ta Executive Secretary, ABAM-i mepishia metetdaktsü.