ABAM Children Spiritual Camp kaogo

Impur, October 9 : Impur nung October 8-10, 2016 tashi Children Spiritual Camp alidang tangokba noksa angur. Iba sentong nung Ao arogotem nungi tanurtem aser tesayurtem ajak meyokteper 1466 aden. Sentong nung tanurtemi kentenmenü aser sentong balala nung kanga dang shilem tajung agi aser tanurtem nem tanü putu den apet tesayuba balala agütsüba den personal counselling agüja tanur aika tanüla temoatsü anguba mapang tajung liasü, ta sangdong ka nung metetdaktsü.
Iba sentong nung tongti shisalen sayurtemji Miss. Moalem Aier, Mrs. Arenla Imchen aser Mrs. Abenla Aier nungertem liasü.