ABAM-i Clean election rally ayonger

Dimapur, Tsüklai 19 (TYO): Tsüklai 27, 2018 nü agitsü agiba 13buba NLA election merüka agitsü nükjidong nung aser iba den külemi Ao Baptist Arogo Mungdang(ABAM)-i ayonga agiba Clean Election Campaign nung shilem ka ama ABAM-i Tsüklai 20, 2018 nü Mokokchung nung lokti senden ka alitsü ayongzüker.
Iba dak sendakba nung Asstt. Election Officer, Mokokchung, Alila Chang-i Mokokchung District nung Returning Officer ajak dang peipei tesem nung iba rally tiptema agitettsü atema yariteptsü mepishir ta sangdong ka nung metetdaktsü.