ABAM-i Nokdanger ta asüba nung tashishitsü aser Tebilemdangtsü lir

~ TEMSU. P. AO, Signal Basti, Dimapur.

ABAM-i Nokdanger ta asüba nung Tir Yimyim O lemsapang azüngdang ni angatetba aser ngua ajangshia aruba kar lemsateber. ABAM kübok ya Aor Tamanger ajakbo mali ta nibo bilemer, kechiba sura Baptist amangertem dang masü tang-a Christantem sentep, Lokti tentet Ao lima aser town balala nung Aortem lir.
Ano kodang Aor sobaliba wazüka ayutsü atema jembiteper, item Christantem ajak kulemi adentsü aser adener. Anungji angatettsü agi Tamangba yimsü denji Aor sobalibaji tambu. Yamaji Naga nunger sobaliba ta kodang sudir tamangba yimsu balala süaka, Naga sobaliba ka dang asütsü. Angajemtsü agi Naga sobaliba aser Aorji Christan yimsü balala denji tambu ta angateter.
Ano kodang asenoki tanela tsütsü nungi shisadangdir pei pei tamang yari angatetsü akok, saka ibaji ni melemsateper.
112 buba ABAM Central Council dated 27th to 28th Nov, 2008, page-6 tapu -1 2008 ABAM küm tatem mungdang telemtetbatem:-
“Yimten aser Arogo tesendaktep aser tepila ya Baptist Arogo tenyaba mapadongren nung bentetbenteta yur Arogo yimten nung, Ao Baptist Arogo-i aor asünung, yimtsung nung timtem adokdang Arogo dak mekongshidaktsütsü.
Iba indang teratet office nungi Arogo ajak dangi zulutsü Arogo aser yimten tesendaktep aser tepila indang kaket ka zulutsü Literature and Education department nem nungloktsür.”
Anungji tang koba azüngashidaktsütsü ABAM-i nokdanger, iba ya Ao Arogo ana tsüngta masü saka yimten ana tsüngta azüngashidaktsüba ta angateter. ABAM Central Council 2008 nung Aor Baptist member ajanga kechi lemteta ayu, yimtsüng nung timtem adokdang Arogo dak mekongshidaktsütsü ta tangatetba lir.
Saka 29/02/15 ABAM Sanen luden ajungben mensem nung lemtetba ta sur Local Arogotem dangi c/o Pastor. Ref. Letter no.nil, dated Impur 29th Sept.2015, sub: Tejen Yimsu yimya dangi meyiptsü ABAM-i nokdangba sangdong yoker. Executive secretary, ABAM.
Anungji ABAM-i nokdanger ta asüba nung tashishitsü aser tebilemdangtsü lir. kechiyong yimten aser Arogo na balala, ABAM-i Baptist tetuyuba amshia yimten nokdangtsü makok, kechiyong Aor ajakbo Baptist yimsu amanger masü. ABAM sanen luden ajanga Local Arogotem tang sangdong yoktsü makok, kechiyong 2008 ABAM Central Council nung lemtetba amaji, ABAM Central Council telemtetba agitsü nüngdaker. Ni angatetba lemsateber, Tsüngremi moajang.

You must be logged in to post a comment Login