ABAM-i sasaa bilemtsür

Mokokchung, Tsüklai 22 (TYO): 21 Tuli A/C nung Mon District kübok Chinglong Yim nungi Wb. Longshak (Along) Tsüklai 22, 2018 anogo Tuli nung Election dak sendakba mapa nung senti taküm samaba asoshi ABAM-i sasa bilemtsür, ta tanü ABAM Executive Secretary-i sangdong ka ajanga metetdaktsü.
“Lenir shimtsü asoshi takum lalubaji Tsüngrem anema lir. Tashiyim amshia lenir shimtsü merangbaji khenyongi tai aser ABAM-i ibaji khukhua aitsür. Anungji, taruba 13buba NLA election mapang nung tesem ajaklen iba ama lendong mataloktsü asoshi tamanger ajaki pei takum kuli meraksai alitsü sangdonger,” ta ABAM Executive Secretary-isa metetdaktsü.