ABAM-i temesepba chiyongtsütem nokdangba anogo amung

Mkg, May 04, 2017 : ABAM Literature aser Education Ministry ketdangsüba nung May 3, 2017 anogo Ao Baptist Arogotem ajak nung temesepba chiyongtsütem nokdangba anogo mungogo. Tanü lokti, kibong aser kija takum jenti temesepba chiyongtsutem ajanga shi aser tanela ajak samaa akümba aser tarutsü tia asen nübur asoshi kangasa tamajungba asütsü anna nung lir ta angateta iba anogo mungogo.
Tanurtemi iba anogo temesepba chiyongtsütem ajanga adokba timtem playcard bener yimtong sema aoba den kulemi kibong telungi ia tsüraburtem nem temesepba chiyongtsütem ajanga timtem adokba tangatetba tejangja agütsüba den par lanur putu teimla samaba tebilemtsütem lemsateba jajaogo. Iba sentong ya taküm agi tasemben buba ABAM-i agia arur aser asen lima temelenshi aser nübur tangatetba arutsü nükla nung maneni amangbapur ajaki mapang ajak nung tesayuba tejangja agütsütsü ABAM tamang ayur. Tsungremi iba sentong nung shilem agir ajak moajang.