ABAM, Impur nung NBCC Convention akatsü

Dimapur, Aenjeti 31 (TYO): Nagaland Baptist Church Council (NBCC) indang 21buba Triennial Convention ya Tsüklai 2 nungi 7, 2018 tashi “Knitted Together in Christ” omen nung ajemdaker amungtsü renema lir. Iba sentong ya Ao Baptist Arogo Mungdang (ABAM), Impur, Mokokchung ajanga ayongtsü. Iba mungdang nung tongti o jembirtem ya Rev. Dr. Zelhou Keyho, Mrs. Khontele Seb, Rev. Dr. Rachülie Vihienuo aser Rev. Zulu Walling nungertem alitsü. Iba mungdang nung Focus Group alitsü, kong Akangnungba, Hanaah Brown, Toshi Sanglir, Pangernungba, Phutoli Chingmak, Kezhokhoto Savi, Rev. I. Wati Jamir (DABA), Dr. Sashiyangba aser Amenla Mar nungeri Ministry to the special needs, Creative Options, Transformation Initiative, Constitutional Provision with special reference to Christians, Canaan Farmers’ School aser Etiquette for Drivers amala onüktem nung jembitsü.
Executive Committee senden Tsüklai 1, 2018 nikongdang 6:00 ako nungi amentsü, ta NBCC Media & Publicity Office ajanga sangdong ka nung metetdaktsü. Maneni sangdong ka ajangasa ashiba agi, Committee of Nagaland Tribal Hohos & Civil Organisations (CCNTHCO) ajanga state tesem ajunga nung Tsüklai 1, 2018 nü mokdangtsü ayongzüka aliba nungi Nagaland Baptist Church Council (NBCC) Triennial Convention nung adentsüpurtem dak mokongshitsü asoshi CCNTHCO ketdangsertemi melunga agizükogo. Anungji iba mungdang nung adentsüpurtem kicha terata melie arua adentsü ayongzüker, ta NBCC General Secretary, Rev. Dr. Zelhou Keyho aser ABAM Executive Secretary, Rev. Dr. Mar Atsongchanger nati sangdong ka nung metetdaktsü.