ABAM Sunday School Tesayurtem Triennial Conference agi

Dimapur, October 1 (TYO): ABAM Sunday School Tesayurtem Triennial Conference “Walk through the Bible” omen nung September 20 nungi October 1, 2017 tashi kanga takok ngua agiogo.
Iba sentong ya anüngdang aser aonung sentong balala benteta agia liasü. Sentong nung o jembirtemji Rev. Dr. Along Jamir India Bible Society, Mr. Temsuyanger Lect. CTC Alichen, Mrs. Narola Asso. Professor DBC Dimapur, Rev. Dr. Tali Lemtur Senior Lecturer CTC Alichen, Rev. Toshi Longchar Head Master Impur Bible School aser Mrs. Imtila A/HM Impur Bible School liasü.
O jembirtemi anüngdang agiba shilem nung laishiba nung kaket ajak background tejangja
Anganütsü aser aonung sentep nung arogo 21 ajanga saya balala ajanga tesayurtem ayongzüka liasü.
Iba sentong ya tesayurtem timbaka Theology mazünger asünung, parnok asoshi tejangjaba nung tanurtem dang lai o anganütsü asoshi ayongba sentong liasü. Ajak agi arogo 117 nung Sunday School Tesayurtem 896 arua shilem agi.
Maneni Tsungremer wadang nung inyakdang, bendanga agüja tenzüka Tsüngrem nungi temoatsü agiangma, ta Executive Secretary, ABAM-i sangdong ka nung metetdaktsü.