ABAM Youth Department Triennial Conference osang

KABA lanurtemi alima tzü mopung aser merükmejuba dak sentakba nung jilushi ka aiba mapang tangokba noksa angur.

Impur, Oct 3 (TYO): Ao Baptist Arogo Mungdang Youth Department (ABAMYD) 4 buba Triennial Conference sentong Hogulbar aonung nungi tenzuka yangi Impur Centennial Memorial Hall nung mungdaki. ABAM kübok arogo balala nungi tejaoker meyi ana shi adenshia kanga longsoa kadaki.

Telok pezü; Youth director-tem, Crusader-tem, Cross Road aser Cadet ta küma lemsar sentep balala agidaki. Tongti o jembirtemji Youth Directors atema Rev. Dr. Kethozelhou Keyho (General Secretary NBCC), Crusaders atema Ben Longchar (Lecturer Life Transforming College International Siliguri), Cross Road atema Dr. Aotemshi (Asst. Professor FAC) aser Cadet telok atema Sashila Ozukum (Administrator Hope Academy, Dimapur) parnokji lir.

Onük balala nung o jembiba den Lai bushiba, kentenmenü, youth department-temi pei inyaktetba nungi youth skill exhibition sentongtem agidaki. Kohima Ao Baptist Arogo youth dept-i ayonga alima tzü mopung kümzüka ayuba den merukmejuba dak sentakba onük nung sentong balala ajanga osangtem proka liasü. Iba sentong Deobarnu tembangtsu.