Abbas o tongdar deputy Palestinian PM asütsü shimogo

Ramallah, Luroi 3 (Agencies): Palestinian president Mahmud Abbas o tongdar deputy prime minister asütsü asoshi shimba sorkar sangdong ka ajanga Yangtepnü metetdakja liasü, koba parnok anemba Hamas puri kanga mejungi aitsüogo.
Nabil Abu Rudeina-i deputy prime minister aser information minister ama sorkar tenzüktsü, ta kasa sangdong ajanga metetdaktsü.
Abbas Fatah aser Hamas na tsüngda tanaben longjemshitsü asoshi jembishinü tenzükshiba mapang ka nung tang iba jenjang ya agiogo.
Hamas puri ashiba agi, tang sorkari agiba jenjang ya parnok tsüngda jembishinü den meputep, koba taoba mapang nunga aiben tamakok ngua aruogo.
“Longjemshitsü asoshi tenangzüktepba ya longjemer aliba sorkar nem agütsütsü ashi Fatah sorkar nem magütsütsü,” ta Hamas otongdar Sami Abu Zuhri-i ashi.
Prime Minister Rami Hamdallah-i osang benertem dang ashiba agi, Palestinian ketdangsertemi information sector nung terenlok tali tajungba bener arutsü nükjidong nung iba jenjang ya agi.
Abu Rudeina maneni Palestinian presidency o tongdar ama inyaktsü.