Abbott-i PM menden toktsütsüsa jenjang tamajung angur

Canberra, September 14 (Agencies): Australia nung yimsüsütsü tashi benokba Liberal Party yimtenren telok züngsemtemi Malcolem Turnbull pusemba ajanga Tony Abbott-i Australia Ato Kilonser menden toktsütsüsa jenjang tamajung tanü Hombar nü ajuruogo.

“Ozü telok telung nung mangatettep ken o ita aika benoka arur külen taoba mapang technology shishilembar, Turnbull-i noklang nung vote 54 ngua vote 44 angusang, Abbott den temaba jenjang ngua küm 8 tsüngda nung Australia Ato Kilonser 5 buba akümtsü jenjang angu,” ta Liberal Party lenir, Scott Buchholz-i tanü metetdaktsü.

Tanü Canberra nung agiba senden nung shilem agirtemi par telok indang deputy leader inyakdaktsütsü asoshi Australia Foreign Minister, Julie Bishop shimtetba osanga jangjaogo.

“Ozü linüki nungdakba rongsenren temelenshi tajung bener marutsütetba yong Abbott-i yimsütsü menden toktsütsüsa tang jenjang ajurur,” ta Turnbull-ia osangbener den ajurutepdang metetdaktsü.

Nüburtemi Turnbull nem Ato Kilonser menden bendaktsünüaka, Abbott-i Turnbull den jenjang tajungba ngua 2009 küm nungi tenzüka par Liberal Party telok lenisang menden bena aru.