Abdeslam France-i anir odaktsünür: Okatsür

Paris, March 24 (Agencies): France yimtiba, Paris nung yaküm, 2016 küm November ita lendong atalokdaktsür ta temulung melemi bilema apusang, Salah Abdeslam France linüki anir odaktsünüba olen ka Abdeslam’er okatsür, Sven Mary-i tanü Brehostibar nü metetdaktsüogo.

“Abdeslam-i France-i oa France ketdangsertem den pa otsü lemsateptsü temulungtetba yua lir. Anungji, sorkari tekaratiba nung nungdakba maparen inyaktsü ajungshir,” ta lai ashi.

Abdeslam Belgium yimtiba, Brussels nung taoba hopta apuba osang jangjaogo.

“Abdeslam France-i anir oa idakji pa den sentakba ken o angadangtsü asoshi tajemba agi ita 3-bo agitsü akok,” ta Paris prosecutor, Francois Molins-ia taoba hopta metetdakja liasü.

Abdeslam aputsü asoshi France sorkari agütsüba ozüng mapa küma inyaktsü ken o Brussels nung tan March ita 31 nü angadangtsü renema lir.