Abhishek-i Jackie Shroff star ka ama bilemdaktsü

Mumbai, April 25, 2016 : Bollywood actor tejen Jackie Shroff-i, “1980s mapang, Abhishek Bachchan ano actor maküm dang kü dang autograph asüngdangang ni star ka ama bilemdaktsü,” ta lemsatep.

“Ni Chennai nung 1985 küm sayaba ‘Mera Jawab’ film tetangokdak aliba mapang tanur ana ni anasa arur autograph meshi. Iba tanur anaji Abhishek aser pa aianu Shweta na liasü. Idangji ni anenzüka aliba Hotel kasa nung Bachchan saab (Amitabh Bachchan)-a anenzüka liasü. Pai par jabaso aser jala naji kü dangi autograph meshitsü yokba liasü aser idangji ni star ka ama bilema liasü,” ta Jackie-i pa film “Housefull 3” sayaba mapang lemsatep.

“Housefull 3″ film nung Abhishek-ia shilem agia lir aser pai, ni kü taküm nung mezüngsüa autograph meshibaji Jackie dang nungi lir. Ni autograph anguba sülen kanga pela liasü kechiba süra ni pa acting kanga sapur. Ni iba mapang nungji bangsemobo maliasü saka pa amai tenütsü nung noksa aliba sü ka sa alena liasü. Ni drum atemba süng bena arur pa ama jemji apuba yimyasa ai,” ta ashi.

Jackie-i, Abhishek ya tanur tajung ka lir aser pai mapa ajak kanga nendaka inyaker,” ta ashi.

“Housefull 3” film nung Akshay Kumar, Riteish Deshmukh, Jacqueline Fernandez, Nargis Fakhri aser Lisa Haydon nungeria shilem agia lir aser iba film June 3, 2016 nü sayatsü sentong lir.