Abhishek Verma-i Archery World Cup gold agizükogo

Wroclaw, August 15 (Agencies): India nunger lasang kashishir, Abhishek Verma-i tang Poland kübok Wroclaw nung tasayadak Archery World Cup Stage 3 asayamong nung gold medal ka tanü Honibar nü agizükogo.
Tebur tarensen nung World No. 18, Abhishek-i tebur compound individual shilem indang final nung Iran nunger Esmaeil Ebadi madak points 148-145 agi takok ngua tanü gold medal-ji agizük.
Abhishek-i tanü perfect 10s 13 tashi nguteta takok anguba ya 2014 Incheon Olympic Games nung Ebadi-i pa tsükdaktsüba kepzüker lir.
India’er lasang kashishir mixed team, Deepila Kumari aser Mangal Singh Champia natia asüng, Deobar nü Mexico den toktepba sülen India asoshi gold agizüktsütsü alizüng tulu ayuba osang jangjaogo.
Ano külen, Abhishek, Kawal Preet Singh aser Rajat Chuhan nungeri Italy den asayaba tebur team shilem nung points 230-233 ngua tamakok ajurua liasü.