Abiogenesis-i ken tasen ka sayaogo

Dimapur,Aenjeti/January 16 (TYO): Dimapur  nungi Indian Naga folk fusion  kentenba telok Abiogenesis puri “Let’s Spend Our Lives Together” ta nüngja agütsür ken tasen ka sayaogo. Iba ken ya January 16 nü nungi alima ajunga nung tongtibang sabang ajak nung angutsü.

Iba ken ya Muzartdisco-i distribute asü. Muzartdisco ya independent music ecosystem  melenshitsütsü nükjidong nung Radio City aser Beatchain nati amenokba sabang ka lir.

“Let’s Spend Our Lives Together” ken ya taküm otsü ken ka lir, koba Arenla aser Moa Subong nati lanuwa tena aniasüngtepba mapang züluba lir. Tena jurla, professional aser kentenba wadang nung shilem balala agia aruba ajanga iba ken ya küm aika memangaok aser  mesayi liasü.

Mapang talang ka lir tenati studio-i aotsü telemtetba agi aser iba ken ya 2025 küm November ita mangaok aser küma aika ataba sülen alima matsüngda sayaogo.

Mezüng züluba ama dang ken ojanga ka danga memelenshi iba ken ya mangaoktsü asoshi  parnoki telemtetba agi, koba ajanga lanuwa koda ochi aser tongmelang liasü aji sayur.

Kasa mapang nung parnoki kensüa memelenshi mezüng mejemba ama dang tenogo, aser ibayongji ken ya Abiogenesis pur indang signature Howeymusic genre den balaka lir.

“Let’s Spend Our Lives Together” ken ya lyrics ajungba den bamhum aser guitar amala kongki balala agi kanga tebur jungdakja mangaokogo. Official Music video ya yakta Youtube nung sayatsü.

Spotify nung iba link :-

https://open.spotify.com/album/2KScMTcFiC4LD0eXMQfzwJ?si=ebeyLV8ZSmeRBULmrn64 ajanga iba ken angatettsü.