Aboi nung yipru ajanga teraksa bener arutsü

Dimapur, May 2 (TYO) : Taoba Honinar aser Deobar anogotem, yipru tesashi ajanga Mon district kübok Aboi nung teraksa jenti bener arutsüogo, ta Art & Culture Parliamentary  Secretary aser Aboi constituency nungi MLA, Essak Konyak-i sangdong ka nung metetdaktsü.
Anogo ananü yipru aonba ajanga ki 100 den tema raksatsü aser teraksa kanga mejungi ajurubaji Longching, Mohong, Sowa, Aphao aser Aboi jila nung liasü, ta paisa sangdong nung shia lir.
Yipru ajanga ki raksatsüba dang masü saka tsünüsenbongtsü aser süngdonglidong aika raksatsü. Timtem ajurua alir nem state sorkari tekaratiba nung teyari agütsütsü mepir, ta Eshak-isa sangdong nung metetdaktsü.