ABTM girls hostel Dimapur nung holistic training ka agi

Kohima, August 03 (TYO): Nagaland aser Arunachal Pradesh Angh, PB Acharya-i Kerala nunger aluruwa benjungmong, ‘Onam’ mapang nung Naga nunger, talisa state nung aliba Malayalee nunger den iba benjungmong salem lemsatep, ta tanü PRO to Governor sangdong ka ajanga metetdaktsü.
Angh-i, aluruwa mapang nung tenüngsang agütsüba benjungmong, “Onam ya sobaliba yimya nung pelatepa tejangraba tanela nung amonger. Pelatepbaji iba benjungmong dak sendakba külemküja den sendaktepa lir, koba ajanga tetsükdaktsü ajak kokteter aser adianu temeimtep shisangdaktsür,” ta ashi.
“Iba benjungmong ya chichiba tanela nung amongba ajanga lokti nung telongjem adokdakjang aser yimchiyimjung den azükaru bener arujang ta sarasademtsür,” ta Angh-isa lemsatep.