AC Milan coach Marco mapa nungi anentsüogo

Milan, Mongputeni/October 9 (Agencies): AC Milan-i Bodhbarnü coach Marco Giampaolo mapa nungi anentsüogo. Taküm season tenzüker asaya tenet dang lir Milan puri coach mapang nung anentsüogo.
“Marco Giampaolo coach mapang nungi anentsüba AC Milan puri sangdonger,” ta club sangdong ka ajanga metetdaktsüogo.
“Marco mapa tajung asoshi club-i pa dang kanga pelar aser tarutsü nung pa mapang takok ngua inyakyonga aotsü club-i imlaja atar,” ta kasa sangdong ajanga metetdaktsü.
Arishi küm 52 tain Giampaolo-i summer nung Gennaro Gattuso melen saka Milan pur tang Seria A nung jenjang 13buba nung lir. Asaya tenet nung asaya pezü tashi atonga tamakok anguba sülen parnok relegation zone-i point asemi dang mei-i lir.
Kasa mapang nung taoba mapang Fiorentina aser Inter Milan coach Stefano Pioli-i iba mapa belenzüktsü imlar. AC Milan puri tatemsa 2011 küm Italian league title koka lir.