Dimapur, October 28 (TYO): October 30 aser 31 nü Dimapur (Chumukedima) nungi Kohima tashi “Walk Against Corruption” omen nung ochimashi anema jajaba nung ACAUT Nagaland team den temulunger nisung 70 shii shilem agitsü, ta tanü ACAUT Nagaland, Media Cell-i sangdong ka ajanga metetdaktsü.
Raj Bhavan, Kohima tashi ochimashi anema jajaba nung Kohima nung aliba kin ajak nungi Hoho lenirtem, Chamber of commerce, ward/colony lenirtem, GB tem, trade union, business lenirtem, contractor tentet, Arogo lenirtem, social media administration, lanur tentet lenirtem, college aser high school kaketshirtem, mapa mengui aliba lanurtem, tetsür Hoho lenirtem, lokti tentet balala nungi lenirtem aser nübur ajaki shilem agitsü mepishir, ta kasa sangdong ajanga ashi.
Sentong tarensen yamai alitsü:
1. Oct. 30 anepdang 8:00 ako nung Chumukedima Village Sannüker, Rev. Lhouzoviu Shuya-i sarasademba sülen Chumukedima Village Chairman, Razouvotuo Chatsu-i sentong tenzüktsütsü.
2. Oct. 30 anüngdang 12:00 ako nung Medziphema Town nung Medziphema Town People’s Organisation, tebu-teditem, lanurtem, tetsütem aser nüburtem den shisa lemsateptsü.
3. Oct. 30 nikongdang 2:00 ako nung Pherima nung chiyungba sülen yangji lenirtem den shisa lemsateptsü.
4. Oct. 30 aonung 6:00 ako nung Piphema nung aonung piyong anenzüktsü.
5. Oct. 31 anepdang 5:00 ako nung süngo ajemba sülen Piphema Village Council, lenirtem aser nüburtem den shisa lemsateptsü aser 6:00 ako nung maneni Kohima-i apusoa jajatsü.
6. Oct. 31 anepdang 10:00 ako nung Sechu- Zubza village council, tebu-teditem, lanurtem aser nüburtem den shisa lemsateptsü.
7. Oct. 31 nikongdang 2:00 ako nung War Cemetary, Kohima nung sentong tatsüka akatsü, iba sülen temepishiba agütsütsü atema Raj Bhavan-i apusoa aotsü.
You must be logged in to post a comment Login