ACAUT-i ayongzükba sentong nung NSF madener

Kohima, Sept.09 (TYO) : August 3, 2015 nü ACAUT teloki Naga yimten tebilemtsü tatem küma latettsüba onük nung lokti senden alitsü ayongzüka ali, iba sendenji tangbo menüngdaker, kechiyong iba tebilemtsü onük jembitsü asoshi Naga kin tentet aser telok shia jaoka shisalemsateper ta Naga Students’ Federation (NSF) teloki metetdaktsüogo.
Anungji, ACAUT teloki jazükba senden nung Naga Hoho madenba amaji NSF teloka madentsü ta metetdaktsüogo.