ACAUT-i bogus voters lakh 4 agientsü atema PIL benok

Dimapur, August 11 (TYO): ACAUT Nagaland-i Gauhati High Court, Kohima Bench nung Nagaland nung bogus voters lakh 4 agientsü atema PIL ka benokogo.
Iba ken o nung telangzüba agütsürtemji Nagaland state Chief Secretary, Chief Electoral Officer, Election Department, Government of Nagaland, aser Chief Election Commissioner, ECI nungertem lir.
September 27, 2016 nü Chief Electoral Officer, State Election Commission-i yimjak nung kanga dang ochishia Nagaland state electoral roll nung bogus tenüng lakh 4 shi lir ta metetdaktsüogo.
ECI telatetbatem rongnung Elector-Population Ratio ji 65: 100 dak tali masütsüla ta shia lir. Ajisüaka CEO, Nagaland-i January 31, 2017 nü ACAUT nem RTI telangzüba ka nung, constituency 23 kübok Polling station 70 nung e-roll nung Polling station/village ji nütsüng yongsük dang nungi teimba züluoka lir aser iba ajanga e-roll nung tim mesüi inyakba jungkai adoka sayur, ta Media Cell sangdong nung metetdaktsü.
Iba nungji ajemdaker, ACAUT Nagaland-i e-roll nungi bogus aser multiple voters 400,000 agientsü atema PIL ji benok, ta sangdong nungsa shia lir.