Dimapur, January 05 (TYO): 2017 küm ya mapa tasak aser tayongzükba küm ka lir; ACAUT Nagaland-i fuel adulteration, Food & Civil Supplies department nung PDS ochimashi ken o aser tanga departments nunga tanga ken otem nung PIL benoktsü aser item keno temji okadak benoka raratsü, ta tanü ACAUT Nagaland, Media Cell-i sangdong ka ajanga metetdaktsü.
“Ochimashi aser election merüka agitsü atema ACAUT-i ano maneni district tem sema senzütsü, aser item nungji sen jenti intoktsü,” ta parnoki sangdong nung shia lir.
“Atangji, temelenshi ka atema tesashiba raraba kümji taküm küm ya asutsü. Rongsen aser nübo tenlatsü atema tang ama kanga tongtibang mapang majurudang. Anungji ACAUT Nagaland-i maneni ajak dang melungsoa tenlatsü mepishir,” ta sangdong nungsa shia lir.
Temelungertemi tenlatsü atema bank account ji- ACCOUNT Name: ACAUT Nagaland; ACCOUNT Number: 348 548 40151; IFSC CODE: SBIN0010762 lir.
Mesüra mail/speed post ajanga check ji ACAUT Nagaland, post box no- 23, Purana Bazar, East Dimapur: 797116, Nagaland dangi yoktsü akok.
ACAUT Nagaland-i tenla aruba sen ajakji timi ketdangsüa amshitsü aser mapangshia nüburtem nem audit agiba osang metetdaktsütsü, ta ACAUT Nagaland, Media Cell-isa metetdaktsü.
You must be logged in to post a comment Login