ACAUT-i SKK nüng asanger

Dimapur, April 06 (TYO) : Sema nunger kaketshir telongjem SKK-i anir Nagaland nung election timi agitsü merangba mapa nung shilem agia April 12, 2017 nü ‘Clean Election Rally” alitsü sentong ayongba asoshi pelar ta ACAUT teloki metetdaktsüogo.
Kaketshirtemi election timi agitsü asoshi shilem agitsü tenzükbaji Naga nunger loktiliba yanglushitsü asoshi khuret benlokba mapa ka asütsü aser iba mapa nung Sumi Hohoi nungitba asoshi pelar ta ACAUT telokisa metetdaktsüogo. Iba rally sentong nung ACAUT telokia shilem agitsü bilemdagi.
Nagaland nung ochimashi mapatem ya election timi magitetba nungi tenzüker asünungji, district ajak nung kaketshir aser lanurtemi anir Clean election mapa ya tenzüktsüla ta ACAUT telokisa metetdaktsü.