ACAUT Nagaland-i Lokayukta mapa küma tenzüktsü mepishir

Dimapur, May 28 (TYO): Chief Minister Dr. Shurhuzolie Liezutsu-i jaokba ama May 26, 2017 nü ACAUT Nagaland consultative member Niketu Iralu den ACAUT teloki pa den ajurutep aser State legislative assembly indang Monsoon session nung Lokayukta Bill mapa küma tenzüktsü atema shidi ka agütsü, ta Media Cell sangdong ka nung metetdaktsü.
“Lokayukta Bill atema standing committee indang mapangji ita trok atema lir aser iba nung ita trok apuloktsütsü akok. Committee nem mapang lemzüktsüba süiadoker lia Chief Minister Dr. Shurhozelie-i standing committee nem ita trok agütsüsemogo, anungji July 2017 nung committee-i report agütsütsüla” ta ACAUT-i sangdong nung shia lir.