ACAUT Nagaland-i ozüng alema totzü ayokba tesemtem bushitet

Dimapur, July 03 (TYO): Nagaland nung ozüng alema totzü meyoktepba maparen ya tesüiba küm 15 nungi 20 tsüngda ka inyaka arur aser iba tasa nungi totzü meyoktepertem, ali kiburtem, administrative ketdangsertem, F&CS department, police aser yimsüsürtem ajak sen aika tajangzük nguogo, ta Deobarnü Media Cell, ACAUT Nagaland-i sangdong ka nung metetdaktsü.
Public-i obendang agütsürtem dak nungi tuluka imlar aser iba ken o dak sendakba nung tai tonglokja alir ajak tepuokdak ayuba dang masü saka parnok indang rongsentem sota ayutsüla ta public-i judiciary dak teimla lir. Anungji, public-i judiciary dak tamang mekatettsüsa tensa arura kanga dang tia maka asütsü, ta ACAUT Nagaland-i sangdong nung shia lir.
ACAUT-i district balala nung ozüng alema totzü meyoktepba ayokba tesem kar bushitetogo aser pei pei district nung public aser ketdangsertemi item totzü ayokertem dak kechi teinyaktsü tim inyaktsü akok, Media Cell sangdong nungsa shia lir.
ACAUT- bushitetba totzü ayokba tesem timbaka Naga nunger tenüng nung register süa lir saka kiburtemjibo ozüng alema totzü meyoktepba atema tai tonglokja alirtem dang lir.
Fuel mafia-i ST/educated unemployed/Widow category kübok tim mesüi license agizüker aser tenüng atema kibur inyaker Naga nunger nem itashia sen 40,000 nung lakh 1 tsüngda agütsür. Totzü ayokdak tesemtem nung ozüng alema mapa inyakogo anungji state sorkar aser district administration temi item tesemtem shibangtsütsüla aser parnok indang permit agientsüla, ta ACAUT sangdong nungsa shia lir.
Iba dak sendakba nung tangaria ajizüka inyaktsüsa Dimapur administration aser police-i mezüng mapa tenzüka inyak nung ajungtsü, ta ACAUT Nagaland-isa sangdong nung mepishia metetdaktsü.
A. Lalmohan Choudary  
1. Nagaland Service Centre- Ghorapatti, Dimapur
2. National Service Centre- 6th Mile, Dimapur
3. Bharat Petroleum- 4th Mile, Dimapur
4. Vivole SC- Kukidolong
5. Essar-Jalukie
B. Srikanth Prasad
1. NRL –  Two and half Mile, Dimapur
2. Essar- 7th Mile, near LPG plant
3. Bharat Petroleum- Piphima
4. Sekhose S/station- Kohima
C. Dinanath Prasad
1. Essar- Wokha
2. IOC- Phek
3. Essar- Kiphire
4. Nagami Service Station-Chumuokedima
5. Essar- West Police Station, Dimapur
6. Essar- Near DC junction, Dimapur
7. IOC- Imphal Road, Kohima
D. Umesh
1. Ajay Auto Agency, Gologhat Road, Dimapur
2. Chozuba, Phek