ACAUT Nagaland-i pela agizüker

Dimapur, April 1 (TYO) : 13th Finance Commission Award, Rajiv Awas Yojana aser BSUP Projects kübok senotsü tim mesüi amshiba atema Additional Director & HoD, Municipal Affairs Department mapa nungi anentsüba ACAUT Nagaland-i pelashishia agizüker, ta Media cell sangdong ka nung metetdaktsü.
Sorkari mapa tajung inyakba pela agizüker saka India nung ochimashi agi sünger aliba state tamajungtem rongnung Nagaland dena lir aser ochimashi maparen aika inyaker. Item rongnungi tang ka jungkai adokba dang lir, ta ACAUT Nagaland-i metetdaktsü.
Bushisüngdangertemi iba keno telung tonga ia bushitsü aser ketdangseri aibelena inyakba bushitetra, tantsütsü keta ozüng tapet agi merenshitsü ayongzüker, ta Media cell sangdong nungsa shia lir.