Acer Nitro 5 gaming laptop India nung sayaogo

Aami 28, 2018 (Agencies): Yangtepnü/Thursday Taiwan indang electronic brand Acer-i “Nitro 5” ta nüngjaa jatsüba gaming laptop tasen ka sayaogo. Iba laptop nung specifications ajunga tasen asütsü. AMD variant atema sen 65,999 aser 6-Core Intel processor atema sen 72,999 asütsü.
“Game asayatsü jangrartem shirnoki tashi tulu aketba specs jenjang tajemba nung aginür, parnok atema ‘Nitro 5’ laptop yanglutsü. Iba laptop nung features aser hardware tasen den külemi exterior design yanglushiba ajanga game asayartem atsüa arutsü,” Acer India, CMO & Consumer Business Head, Chandrahas Panigrahi-i ashi.
6-Core high-performance 8th-Generation Intel Core processor den Optane memory mesüra AMD Ryzen 5 processor keta aliba laptop tasenba ya medemer den külemi game asaytsü jangrartem aser kasa yimya nung asayartem den pei tesendaktep yanglutsü nükjidong nung Acer-i iba gaming laptop yanglutsü.
Iba laptop indang chassis design tsütsü reprangdangra, top cover den laser-texturing tem inoka yanglutsü. Iba den külemi laptop nung matte crimson red sentsü hinge ka keta aliba angutsü.
Kara render asütsüsa, aser lighting aser texture tejangjaba agütsütsü atema Acer Nitro 5 nung NVIDIA GTX 1050 mesüra 1050Ti graphics card mesüra AMD Ryzen 5 processor den Radeon RX560 graphics tem keta aliba angutsü.
Laptop system memory ji 2666MHz tashi clock sütsüogo aser ibaji tang teyokdak standard gaming laptop tem dang nungi shilem 10 agi takaraba asütsü. Laptop display ji 15.6-inch Full HD IPS asütsü aser laptop tejaklen HD web camera ka inoka yanglutsüogo.
Acer Nitro 5 gaming laptop ya Acer Exclusive stores, retailer aser e-commerce sites tem ajanga angutsü.